Disa punonjës të Policisë Bashkiake tentuan sot të marrin në administrim godinën e Teatrit Kombëtar, pas vendimit të Qeverisë, që kalonte në pronësi të Bashkisë së Tiranës këtë godinë.
Ky veprim është konsideruar një provokim që Kryebashkiaku Erion Veliaj i ka bërë qytetarëve dhe artistëve, që prej dy vitesh mbrojnë Teatrin nga plani për shembjen e tij dhe ndërtimin e një tjetër godine.
Lidhur me veprimin e sotëm ka reaguar edhe nënkryetari i LSI-së, Petrit Vasili, sipas të cilit sejmenët e megavjedhjes së ideuar nga Rama u shfaqën si provokatorë ordinerë.
“Asnjë nuk do të bëjë asnjë hap pas për t´jua falur Teatrin Kombëtar këtyre maskarenjve.
Horrat e drogës dhe të krimit të veshur me pushtet janë lëshuar si çakenj mbi kulturën, mbi pronën publike duke shkelur Ligjin dhe Kushtetutën”, shkruan Vasili.
Postimi nga Petrit Vasili
Asnje hap pas, perballe maskarenjve dhe hajduteve te Bashkise qe provokojne Teatrin!
Teatri, artistet dhe qytetaret provokohen serish sot nga gangsteret e rilindjes ne Bashki.
Sejmenet e megavjedhjes se ideuar nga Rama u cfaqen si provokatore ordinere kunder Teatrit.
Asnje nuk do te beje asnje hap pas per tjua falur Teatrin Kombetar ketyre maskarenjve.
Horrat e droges dhe te krimit te veshur me pushtet jane leshuar di çakenj mbi kulturen, mbi pronen publike duke shkelur Ligjin dhe Kushtetuten.
Cdo anetar, simpatizant e mbeshtetes i LSI eshte dhe do te jete deri ne fund ne krah te mbrojtesve te Teatrit Kombetar dhe te gatshem per cdo sakrifice ne ruajtje te vlerave te identitetit te kultures dhe te prones publike.
ASNJE HAP PAS!!
