Zgjedhjet ne Universitet, Meta mbështet pedagogët, kundër Shahinit

Presidenti Ilir Meta ka reaguar lidhur me vendimin e Ministrisë së Arsimit për zhvillimin e zgjedhjeve në universitete gjatë periudhës së pandemisë së koronavirusit. Nëpërmjet një postimi në rrjete sociale, Meta shprehet se referuar situatës ku ndodhemi, mbajtja e këtyre zgjedhjeve duhet të mishërojë parimet kushtetuese, të zhvillohet në përputhje me ligjin dhe aktet e tjera nënligjore dhe të jetë transparent e gjithëpërfshirës.

DEKLARATA
Lidhur me situatën e zgjedhjeve në universitet publike, Presidenti i Republikës Ilir Meta, thekson se ky është një proces tejet i rëndësishëm për të rinovuar autoritetet e reja dhe organet drejtuese të Institucioneve të Arsimit të Lartë në Shqipëri.

LEXO EDHE  Hiqeshin si bamirës, zbulohet skema e mashtrimit, 47-vjeçarja dhe partneri i saj përfituan mijëra paund nga emigrantët shqiptarë

Ky proces i ri zgjedhor duhet të mishërojë parimet kushtetuese, të zhvillohet në përputhje me ligjin dhe aktet e tjera nënligjore dhe të jetë transparent e gjithëpërfshirës.

Ndaj, në kushtet specifike në të cilat ndodhemi, është shumë i rëndësishëm angazhimi dhe bashkëpunimi i të gjithë aktorëve dhe institucioneve që kanë përgjegjësi në këtë proces. Është detyrë e tyre të harmonizojnë të gjitha veprimet dhe aktet rregullatorë, në mënyrë që ky proces i ri zgjedhor të garantojë pavarësinë, autonominë, konkurrencën e lirë, transparencën dhe integritetin për të arritur një rezultat të gjithëpranuar dhe për të përmbushur objektivat e Arsimit të Lartë në Shqipëri.