Është ekzekutuar vendimi i Gjykatës për lirimin e 19 protestuesve të arrestuar pas dhunës policore në protestën e së enjtes para parlamentit.
Gjykata vendosi këtë të diel lirimin e 12 prej tyre pa masë sigurie, ndërsa 7 të tjerët me masën “detyrim paraqitje”.
Sakaq, dy protestues të tjerë u vendosën në masën “Arrest në shtëpi”.
Siç mund të shihet edhe në videot e mbërritura në redaksinë e Boldnews.al, protestuesit e liruar janë pritur me brohorima, jashtë komisariatit nr.3 te rruga Mine Peza.
