Eksperti i Shëndetit Publik, Erion Dasho, ka ironiyuar qëndrimet e anëtarëve të Komitetit Teknik lidhur me shfaqjen e koronavirusit në Shqipëri.
Dasho shkruan se “megjithë respektin e padiskutueshëm që këta kolegë gëzojnë në profesionin e tyre primar, mua këto nuk më duken si përgjigje ekspertësh. Nuk e kuptoj se çfarë i ka detyruar të japin këto përgjigje…”.
Postimi nga Erion Dasho
Për ata që e kanë ndjekur, sot Kryeministri i drejtoi një pyetje fare të thjeshtë antarëve të Komitetit të Ekspertëve: “A kemi patur raste me COVID në muajin janar?” Dhe ja përgjigjet që mori (të paktën ato që u bënë publike në media):
1. Unë nuk kam parë ndonjë rast COVID në janar!!!
2. Nuk kishte si të kishim raste, atëherë kur nuk kishim marrë masa dhe të kemi tani që kemi marrë masa!!!
Më vjen shumë keq ta them, por megjithë respektin e padiskutueshëm që këta kolegë gëzojnë në profesionin e tyre primar, mua këto nuk më duken si përgjigje ekspertësh. Nuk e kuptoj se çfarë i ka detyruar të japin këto përgjigje…
Një BRAVO për Prof. Gezim Xhepa dhe Dr. Renato Osmëni që janë kthyer sot në ndërgjegjen e mjeksisë shqiptare dhe në personat e vetëm që po luftojnë me profesionalizëm për të vërtetën rreth COVID në Shqipëri.
