Dosjet në Gjykatën e Lartë/ Manjani: Propozimi i Ambasadës së SHBA, konflikt interesi

Ish-ministri i Drejtësisë, Ylli Manjani, e ka cilësuar si një konflikt të pastër interesi propozimin e dhënë nga Ambasada e SHBA lidhur me 35 mijë dosjet që presin gjykimin në Gjykatën e Lartë.

Ambasada e SHBA njofoi mbi një Memorandum Mirëkuptimi mes USAID dhe KLGJ, sipas të cilit një ekip i veçantë avokatësh të zotë shqiptarë do të punësohen për të ndihmuar gjykatën që të veprojë me më shumë efikasitet dhe të mundësojë që gjykatësit të marrin vendime më shpejt. Ashtu siç Shtetet e Bashkuara mbështetën fuqimisht miratimin e reformave gjyqësore, ashtu ne mbështesim fuqimisht zbatimin e plotë dhe në kohë të këtyre reformave.

Por Manjani shkruan se këta avokatë “të zotë”, që me shumë gjasë para Gjykatës së Lartë janë palë në çështje konkrete, do na e zgjidhkan këtë punë.

“Pra palët do na i zgjidhin vetë çështjet e tyre. Kjo në shqip quhet konflikt interesi, në mos vetgjyqsi. Edhe kur e bëjnë të huajt njësoj quhet.

Shpikje pas shpikjesh vajti kjo punë.

Ndërkohë kujtojmë se me bekimin e Ambasadës Shqipëria është ende pa Gjykatë të Lartë dhe Kushtetuese. Ende nuk është zëvendësuar Dvorani që ka 6 vjet tej mandatit Kushtetues në detyrë”, shkruan Manjani.

Postimi nga Ylli Manjani

Heu!
Ja dhe zgjidhja e çështjeve të grumbulluara në Gjykatën e Lartë.

Është amerikane.

Ja çfarë është:

“….një ekip i veçantë avokatësh të zotë shqiptarë do të punësohen për të ndihmuar gjykatën që të veprojë me më shumë efikasitet dhe të mundësojë që gjykatësit të marrin vendime më shpejt. Ashtu siç Shtetet e Bashkuara mbështetën fuqimisht miratimin e reformave gjyqësore, ashtu ne mbështesim fuqimisht zbatimin e plotë dhe në kohë të këtyre reformave….”

LEXO EDHE  Goditet me thikë një person në Selenicë

Avokatët “më të zotë” ne njohim ata që kanë licensë për të tre shkallët e gjykimit, pra edhe në Gjykatën e Lartë. Dmth këta avokatë “të zotë”, që me shumë gjasë para Gjykatës së Lartë janë palë në çështje konkrete, do na e zgjidhkan këtë punë… Pra palët do na i zgjidhin vetë çështjet e tyre.

Kjo në shqip quhet konflikt interesi, në mos vetgjyqsi. Edhe kur e bëjnë të huajt njësoj quhet.

Shpikje pas shpikjesh vajti kjo punë.

Ndërkohë kujtojmë se me bekimin e Ambasadës Shqipëria është ende pa Gjykatë të Lartë dhe Kushtetuese. Ende nuk është zëvendësuar Dvorani që ka 6 vjet tej mandatit Kushtetues në detyrë.

Ato çështje do ti shqyrtojë e gjykojë VETËM NJË GJYKATË E LARTË e emrëruar sipas Kushtetutës së Republikës së Shqipërisë dhe jo nga avokatët “më të mirë” të Ambasadës!

Gjykatat kanë personel kompetent të rekrutuar sipas ligjit dhe jo sipas programve ekstra ligjore.

Nuk ka nevojë as për shpikje e as eksperimente.

E kuptoj që Shqipëria është vend eksperimenti dhe askush nga personeli diplomatik në Tiranë mban përgjegjësi për këto eksperimente. Aq sa mbajtën ato që shërbyen këtu më parë. Ku janë sot?! As telefonin s’ua dimë.

Nejse, e meritojnë një “falenderim” :

Shuuuuumë faleminderit për ndihmën, por sbën punë!

Thanks, but no thanks!