“Po dëgjon këshillat e Lavrovit”/ Haradinaj i përgjigjet Ramës

Ish-kryeministri i Kosovës, Ramush Haradinaj, ka reaguar ndaj deklaratave të Kryeministrit Edi Rama, duke theksuar se ai është i frustruar ndaj tij për shkak se prishi planet për Serbinë e madhe.

Haradinaj thotë se Rama po zbaton këshillat e ministrit të Jashtëm rus, Sergei Lavrov pas vizitës në Moskë pak ditë më parë në cilësinë e drejtuesit të OSBE-së.

“I kuptueshëm frustrimi i Edi Ramës ndaj meje. E di që nuk ma fal dot që ia prisha planin serbomadh. Edi Rama pas kthimit nga Moska, vepron pa humbur kohë në zbatimin e këshillave të Lavrovit.

Uroj që Kryeministri Kurti të vazhdojë rrugën time të bllokimit të shtegut të Edi Ramës e të tjerëve për copëtimin e Kosovës dhe fuqizimin e Serbisë e Rusisë në rajonin tonë, duke mbajtur taksën deri në kontratën finale për njohje. Të tjerat janë tashmë histori”, shprehet Haradinaj.

LEXO EDHE  Pamjet dramatike/ Momenti kur këmbësori përplaset dhunshëm nga makina në Tiranë (VIDEO)

Reagimi i ish-Kryeministrit të Kosovës erdhi pas një postimi të Ramës në rrjetet sociale, i cili vlerësoi vendimin e Albin Kurtit për heqjen e pjeshshme të taksës që qeveria Haradinaj kishte vendosur ndaj Serbisë.

Rama shkruante se “me paturpësi Ramushi ka nisur baltosjen e Albin Kurtit! Albini mund të jetë gjithçka po kurrë nuk është shërbëtor i Serbisë! Uroj të mos tutet prej sulmeve të ulëta për heqjen e taksës që shkatërroi reputacionin ndërkombëtar të Kosovës dhe viktimizoi Serbinë në sytë e botës!”.