Barcelona luan mbrëmjen sotme, ora 19:00 kundër Leganes-it, me qëllimin për të siguruar një vend në çerekfinalet e Kupës së Mbretit.
Kjo ndeshje do të shërbejë edhe për ngritjen e moralit të skuadrës pas humbjes befasuese 2-0 kundër Valencias ditën e shtunë.
Trajneri i ri Setien, është kritikuar shumë për paraqitjet e skuadrës nën drejtimin e tij, teksa skuadra është shfaqur “anemike” përpara portës, pavarësisht zotërimit të topit të shtuar.
Nga ana tjetër Leganes-i, gjendet në vendin e 19-të në La Liga, por janë në një formë mjaft të mirë pasi në 9-të ndeshjet e fundit regjistrojnë vetëm një humbje.
Formacionet e mundshme:
Barcelona (3-5-2): Ter Stegen; Semedo, Piqué, Lenglet; Ansu Fati, Vidal, De Jong, Rakitic, Firpo; Messi, Griezmann
Leganés (5-4-1): Cuéllar; Rosales, Tarín, Siovas, Awaziem, Silva; Pérez, Recio, Óscar, Rodrigues; Braithwaite
