Kasti i aktorëve të filmit “I love Tropoja” kanë qenë të ftuar në emisionin “Soiree”. Një ndër veçoritë e filmit të dytë të Ermal Mamaqit është dhe pjesmarrja e kryeministrit, Edi Rama.
Ermal Mamaqi ka rrëfyer për herë të parë prapaskenat dhe ka folur për refuzimin e Sali Berishës për të qenë pjesë e filmit, ka treguar gjithashtu që Edi Rama u mërzit që doktori nuk do të merrte pjesë.
“Kisha menduar që t’i kisha të dy. Rama ishte dakord, madje u mërzit shumë që nuk erdhi. Më duket se ai e ka qejf Berishën, por më ka uruar, edhe më ka falenderuar për shërbimin që po i bëhet Tropojës”,- ka treguar ErmalMamaqi.
Më tej, për të hequr kuriozitetin, Ermal Mamaqi ka rrëfyer dhe rolin që kishte përgatitur për ish-kryeministrin, Sali Berisha, nëse do të pranonte të ishte pjesë e filmit.
“Ai ka qenë i pari që ka marrë ftesën. Berisha do të ishte xhaja i gruas time nga Tropoja. E vetmja gjë që do bënte ishte që do hynte në dasmë dhe do thoshte “This is a miracle of freedom” dhe nuk e tha. Nuk më pranoi, më erdhi keq. Do ishte një kujtim shumë i bukur i doktorit,”– ka shtuar më tej Mamaqi.
