Video/ Gafa e dytë brenda 2 ndeshjesh, Ibra nuk shënon nga 5 metra me portën bosh

Milani arriti të mund në shtesë Torinon me rezultatin 4-2 duke siguruar një biletë për në gjysmëfinalen e Kupës së Italisë.

Kuqezinjtë e panë veten në vështirësi pasi u desh një gol i Hakan Calhanoglu në minutën e 91-të për ta çuar sfidën në shtesë. Ndërkohë, Zlatan Ibrahimoviç e nisi këtë sfidë në minutën e 65-të dhe në limitet e shtesë së kohës së rregullt humbet një mundësi të shkëlqyer.

LEXO EDHE  Video/ Degjeneron miqësorja në Turqi, grushte e shkelma mes futbollistëve

Suedezi me një mundësi të ngjashme me atë kundër Brescias, nuk përfiton nga 5 metra largësi me portën thuajse të boshatisur duke e dërguar topin jashtë kuadratit të portës së mbrojtur nga Sirigu. Gjithsesi në minutën e 108-të, Ibra, rregulloi shënjestrën duke ndihmuar Milanin të kalonte në fazën tjetër të Kupës së Italisë.