I ftuar mbrëmjen e djeshme në Opinion, ish-ministri i Drejtësisë, Ylli Manjani paralajmëroi se nëse qeveria çon deri në fund nismën anti KÇK, atëherë Prokuroria e Posaçme Anti-Korrupsion dhe Krimit të Organizuar (SPAK) del jashtë funksionit. Ai bëri krahasimin mes dy institucioneve SPAK dhe KÇK.
“Më provokoi Preçi në fakt me këtë çështjen politike apo jo, ata siç janë zgjedhur i bie se nuk janë të asnjë krahu politik. Ka një gjë që duhet ta saktësojmë. E para një pjesë e mirë e informacionit shkon nga qeveria. E dyta nëse nisma e kryeministrit për KÇK shkon deri në fund, natën e mirë SPAK-ut. Sepse ku ka SPAK që heton kryeministrin pas kësaj mo?
A ke lexu ligjin e KÇK, e ke lexu ligjin se do ta bënin dhe akt normativ ata po ndodhi tërmeti… Ai ligji i KÇK është që nëse mua nuk më pëlqen prokurori për çështjen që ke nis ministri i drejtësisë ose ministri i brendshëm…Ligji i KÇK nuk po flas për ligjin e SPAK-ut po për ligjin e KÇK është si puna e hallit, halli im p*llon hallin tat, ky është i gjithë muhabeti. Ai me akt normativ qeveria po të hedh poshtë kushtetutën dhe kjo është një gjë e papranueshme…unë po them ca është artikuluar deri më sot nuk është në fuqi…”, tha ish ministri Manjani.
Të tetë anëtarët e parë të SPAK u betuan dje para presidentit Ilir Meta dhe kanë marrë zyrtarisht detyrën, ndërsa është zgjedhur dhe kryetari. Anëtarët e Këshillit të Lartë të Prokurorisë zgjodhën Arben Kraja në krye të SPAK.
