A bllokohet KED nëse Dvorani merret i pandehur? /Blushi: Alibi e neveritshme për t’i shpëtuar…

Kreu i Këshillit të Emërimeve në Drejtësi, Ardian Dvorani, u mor në pyetje nga Prokuroria pas një padie të ngritur prej kreut të shtetit ndaj tij. Më pas Dvorani duke folur për mediat tha se nëse prokuroria vendos t’a marrë të pandehur, atëherë ai duhet të lërë detyrën. Por duke qenë se ai është zgjedhur direkt si anëtar i KED-së, pasi është i vetmi anëtar i Gjykatës së Lartë, dhe nuk ka anëtar zëvendësues, atëherë mund të bllokohej veprimtaria e KED-së.

Por Zëdhënësi i Presidentit, Tedi Blushi, tha se kjo është një alibi e neveritshme.

“Kjo është një alibi e neveritshme për t’i shpëtuar drejtësisë për veprat penale që Ardian Dvorani ka konsumuar dhe për të cilat është kallëzuar penalisht në Prokurori.

Ligji nr. 115/2016, për funksionimin e Këshillit të Emërimeve në Drejtësi e ka zgjidhur shumë mirë këtë situatë në nenin 227 të tij, ku parashikon se “Anëtari më i vjetër në moshë nga Gjykata Kushtetuese është Zëvendëskryetari i KED-së. Zëvendëskryetari ushtron të gjitha funksionet e Kryetarit në mungesë ose pamundësi të këtij të fundit”.

LEXO EDHE  Jeni imunë apo jo ndaj Covid-19, MSH: Do aplikojmë testet për popullatën

Nuk është përgjegjësia penale e Ardian Dvoranit, që mund të bllokojë funksionimin normal të KED, por u bllokua qëllimisht funksionimi i KED për dy vite radhazi, që në krye të këtij organi të vihej Ardian Dvorani, për të konsumuar të tilla shkelje të rënda kushtetuese dhe ligjore.

Edhe mbledhja e djeshme e KED-së, e zhvilluar duke njoftuar dy Rende Dite të ndryshme, një të njoftuar publikisht dhe një të ndryshëm të njoftuar anëtarëve dhe pjesëmarrësve në Këshill, është një tjetër e dhënë e papërgjeshmërisë së këtij individi , përkundrejt zbatimit të parimit të transoarencës së ushtrimit të detyrës ashtu sic kushtetuta dhe ligji ia kërkon,” tha Blushi.