Pas ekspertizave, për shumë godina të dëmtuara pas tërmetit të 26 nëntorit, është marrë vendimi për t’u shembur ose rikonstruktuar, pasi janë shpallur të pabanueshme.
Një prej tyre është edhe godina e spitalit të Laçit, e cila ka marrë dëmtime të shumta dhe ka dalë jashtë funksionit.
Specialistët që kanë bërë verifikimet e godinave, kanë dalë në konkluzionin, se brenda nuk mund të qëndrojn pacientët dhe mjekët, pasi përbën rrezikshmëri. Spitalit i është vendosur shiriti dhe pacientët janë transferuar në spitalin e Lezhës.
Gjithashtu jashtë spitalit janë ngritur edhe çadra për të ofruar shërbimin e urgjencës, deri në momentin që do të mbarojnë riparimet.
“Kemi evakuuar shumicën e shërbimeve në spitalin e Lacit, në Lezhë. Po ngrihen dy tenda mjekësore, kemi marrë disa nga godinat që po i përdorim në afërsi të spitalit të Laçit. Sot kemi një ambulancë që është duke kryer kontrolle në të gjithë banorët që ndodhen në çadra. Godina është nxjerrë për tu evakuuar deri në një rikonstruksion të pjesshëm apo në ndërhyrje në muraturë apo pjesë të tjera, pra nuk është për tu shembur. Më e rëndësishme është të ketë siguri për pacientët” – thotë Etjen Xhafaj, Përfaqësues i Komitetit Ndërministror për Emergjencat Civile, për Qarkun Lezhë.
