Trafikonin drogë, arrestohet burri dhe gruaja shqiptare në Itali

Policia italiane në Macerata ka arrestuar një burrë shqiptar 34 vjeç dhe gruan e tij shtatzënë, një 28-vjeçare, pasi në shtëpinë e tyre u gjetën pajisje që shërbenin për trafikimin e drogës. Burri përfundoi në burgun e qytetit, ndërsa gruaja e tij u la në arrest shtëpiak, për shkak se ajo ndodhej në muajt e fundit të shtatzënisë.

Karabinierët, me anë të një mobilizimi të shpejtë, pas informacioneve se në banesën e çiftit shqiptar kishte pajisje për tregtinë e lëndëve narkotike, kanë bërë një kontroll të shpejtë dhe gjetën aty laboratorë e para të gatshme, të dyshuara të ardhura nga aktiviteti kriminal, shkruajnë mediat italiane.

LEXO EDHE  VIDEO/ Eksodi i shqiptarëve, Meta: Kthehuni në atdhe, merrni në dorë fatet tuaja

Çiftit shqiptar iu gjetën 4000 euro të gatshme në banesë, ndërsa burri ishte emër i njohur për policinë, pasi edhe më herët kishte pasur probleme të theksuara me drejtësinë.

Paratë u gjetën të fshehura në pjesë të ndryshme të shtëpisë, të sistemuara mirë, në atë mënyrë që të ishte e vështirë t’i gjeje. Ndërsa gruaja u lejua të kthehej në shtëpi nën arrest shtëpiak, burri u la në burg, në pritje të gjykimit për tregti droge. Ndërkaq, paratë e dyshuara kriminale janë sekuestruar.