Një 34-vjeçar shqiptar është arrestuar nga policia italiane pasi akuzohet për trafikim të lëndëve narkotike, kryesisht kokainë. Mediat italiane raportojnë se shqiptari i arrestuar është identifikuar si A.M., banues në Firence.
Shqiptari është arrestuar teksa shëtiste në qendër të qytezës së Pistoias.
Karabinierët kanë sekuestruar dhe makinën e shqiptarit, makinë të cilën e kishte marrë me qera. Brenda automjetit u gjetën 10 mijë euro. Dyshohet se paratë i ka fituar nëpërmjet aktivitetit kriminal.
Pas kontrollit në banesën e shqiptarit, policia gjeti materiale të cilat i përdorte për të kryer aktivitetin e jashtligjshëm.
U sekuestruan peshore, kokainë dhe 20 mijë euro. Gjykata vendosi për të masën e sigurisë “arrest shtëpie”.