Në vijim të turit të tij me rininë, kreu i opozitës Lulzim Basha, është ndalur në qytetin e Shkodrës, ku ka folur për gjendjen e rëndë nëpër të cilën po kalon vendi.
Në fjalën e tij Basha vuri theksin tek largimi i rinisë nga vendi dhe mbyllja e shkollave, çka po sjell dhe ‘plakjen’ e Shqipërisë.
Sipas Bashës për shkak të politikave të këqija sot të rinjtë kanë zgjedhur emigrimin, ndërsa ju bëri thirrje të rinjve që nuk është zgjidhje largimi i tyre po largimi i qeverisë për të krijuar mundësinë që të gjithë shqiptarët të jetojnë në vendin e tyre.
‘Plaga më e madhe, plaga e emigracionit të rinisë. Po ikin nxënësit dhe po boshatisen shkollat. Mësova se në Vukatanë brenda një nate kishin ikur 30 të rinj. Koha të bëhemi bashkë për ti dhënë zgjidhje probleme dhe pastaj të vëmë në jetë këto zgjidhje. Të kthejmë votën e lirë. Të kthejmë shpresën. Kemi gjithçka që duhet, duhet vetëm një qeveri që punon për mirëqenie. Shqipëri i ka mundësitë ti japë fund krizës, për këtë duhet ta çojmë këtë rrugë deri në fund’, deklaroi Basha.
