Zbardhet drafti i komisionit të Reformës Zgjedhore për ndryshimet në Kodin Zgjedhor. Në draftin e komisionit të drejtuar nga Damian Gjiknuri i PS dhe Rudina Hajdarit nga opozita e re, flitet edhe për “zgjidhjen” e problematikës së shitblerjes së votës.
Në draft, parashikohet vetëm që kjo problematikë, e kthyer së fundmi në një kauzë të fortë nga opozita që ka djegur mandatet, të zgjidhet vetëm me një premtim të liderëve politikë. Premtim me shkrim ku kryetarët e partive “angazhohen në mënyrë solemne për refuzimin për të marrë pjesë në praktika të blerjes së votës, marrjes së financimeve apo përfitimeve të kundërligjshme veçanërisht nga ato që vijnë nga aktivitete kriminale, si dhe përkushtimin për të konkuruar në zgjedhje në mënyrë të ndershme dhe me integritet”.
Sipas draftit, në nenin 64, shtohet shkronja “e” me këtë përmbajtje:
“e) deklaratën me shkrim të nënshkruar nga kryetari i partisë politike ku përmendet angazhimi solemn për refuzimin për të marrë pjesë në praktika të blerjes së votës, marrjes së financimeve apo përfitimeve të kundërligjshme veçanërisht nga ato që vijnë nga aktivitete kriminale, si dhe përkushtimin për të konkuruar në zgjedhje në mënyrë të ndershme dhe me integritet. Teksti i deklaratës përcaktohet me vendim të KQZ-së.”
Më shumë se një angazhim real, nisma e komisionit për të luftuar shitblerjen e votës duket një utopi.
Drafti i plotë
