Sekretari Organizativ i Partisë Demokratike, Sait Dollapi është dërguar në spitalin e Traumës për trajtim mjekësor pasi u dhunua nga policia mbrëmjen e shkuar.
Ai është dërguar nën masa të forta sigurie në këtë spital.
Spitali i Traumës është rrethuar nga forca të shumta policore.
Më herët, Presidenti Ilir Meta apeloi që Dollapi të mos mbahej në polici por të dërgohej në spital.
Ndërkohë, Avokatja e Popullit, Erinda Ballanca, nuk është lejuar të hyjë në mjediset spitalore.
“Jam Avokatja e Popullit, kam të drejtë kushtetuese të hyjë kudo, në polici, në burgje, dhe jo më në spitale”, tha Ballanca.
Ajo u shpreh se nga pamjet që ka parë të dhunës ndaj Dollapit është skandalizuar.
