Arrestohet bankieri dhe ndërmjetësi, falsifikonin dokumentet për kredi/ Zbardhet skema

Gjykata Penale e Luzernit në Zvicër ka dënuar një 40 vjeçar zviceran dhe një 36-vjeçar, shqiptar nga Kosova,  për “mashtrim” dhe falsifikim dokumentesh, me një dënim me kusht dhe me gjobë.

Gjykata ka dënuar zviceranin me 24 muaj burg me kusht, me një periudhë prove prej dy vitesh. Veç kësaj, e ka dënuar edhe me një gjobë prej 4000 frangash, raporton albinfo.ch.

Personi në fjalë punonte në një bankë dhe falsifikonte faturat e pagave për të papunët ose për personat me të ardhura të ulëta, në mënyrë që ata të mund të marrin kredi nga instituti i tij financiar (banka).

Këta kredimarrës janë ndërmjetësuar nga një kosovar 36-vjeçar. Ai në po këtë proces gjyqësor është dënuar me burg me kusht prej 22 muajsh dhe me një gjobë prej 3500 frangash.

Shtatë kredimarrësit, të cilët po ashtu janë penalizuar, i kanë paguar ndërmjetësuesit nga 2000 deri 4000 franga për një kredi. Ky pastaj këto të holla i ndante me bashkëpunëtorin e tij, punonjësin e  bankës, ndërsa përfitimi për dy të dënuarit ka qenë afërsisht nga 10 mijë franga për secilin.

LEXO EDHE  Dorëheqja e Haradinajt/ Ish-deputeti: Ramushi burrë shteti, Rama burrec...

Pesë nga shtatë kredimarrësit kanë qenë burra të cilët kanë lidhur marrëveshje për kredi, përmes partnereve të tyre. Këta ishin të papunë ose kishin të ardhura të vogla.

Faturat e falsifikuara të pagave maskonin para bankës aftësinë paguese të aplikuesve.

Në njërin nga rastet, personi kishte aplikuar për kredi përmes nënës së tij, e cila nuk dinte asgjë për këtë punë. Në një rast tjetër, një grua aplikonte për një kredi në emrin e vet.

Dy personat me mashtrimin e bërë duke lidhur kontrata kreditimi me shtatë personat, kanë ndarë kredi në një shumë prej 298 mijë frangash. Kredimarrësit nuk ishin në gjendje t`i paguanin borxhet e tyre ose mund ta bënin këtë vetëm pjesërisht.

Sipas aktakuzës janë iniciuar disa konfiskime.

Dënimet janë marrë me procedurë të shkurtuar, pas kërkesës të të akuzuarve,