Edi Paloka, nënkryetar i PD-së, duke iu drejtuar protestuesve nga selia e demokratëve, i ka përshëndetur për forcën e treguar në protestën e opozitës.
Paloka tha se protesta e sotme u drejtua nga të rinjtë dhe studentët, pasi Shqipëria që ne duam është në rradhë të parë e studentëve, e të rinjve.
“DASH e përfshiu Shqipërinë në qendrën e trafikut të drogave të forta, të pastrimit të parave. Është një raport që dikur ia kanë bërë vetëm Noriegës. Ne që jetojmë këtu e dimë shumë mirë se kush është Edi Rama, ndaj edhe jemi në protestë, që ai të shporret, të ikë një ditë e më parë”, tha Paloka.
Ai shtoi se Rama e mbledh administratën si një cirk shëtitës nga jugu në veri, por shumë shpejt do e shikoni që do ikë me vrap dhe nuk do të dijë ku të ndalet.
“Ne do të jemi në shesh, por duhet të kutojë një gjë që urrejtja e mbledhur nga shqiptarët do t’a mbysë.
Mund të vazhdojë të mbledhë surrogatot në Parlament, mund të bëjë edhe shaka me të, por kjo është skena e fundit e tij me bashibozukët, që hiqen si deputetë të opozitës.
Ne do të jemi bashkë deri ditën që kjo mazhorancë do të shporret, kjo mazhorancë që nuk e ka vendin në Kuvend, por në burg”, tha Paloka.
