Nga Boldnews.al
Zëvendësministri i Jashtëm Gent Cakaj, (me kompetenca ministri me autorizim), në një konferencë shtypi njoftoi se ka vendosur të largojë 20 përfaqësues të diplomacisë shqiptare në vendet e botës.
Përtej lajmit rutinë, që mund të ishte komunikuar edhe me një njoftim elektronik nga zyra e shtypit në ministri, ai doli me një delir të stampuar në fytyrë, duke treguar vendosmëri për të ndryshuar konceptin e diplomacisë dhe përsëritur në çdo fjali: “sipas vizionit të kryeministrit Rama”…
Përtej lajmit të shkarkimit të 20 zyrtarucëve të abmabasadve tona në vendet e tjera, i komunikuar nga një minitër 28-vjeç, vlen lufta brenda llojit, e sidomos sulmi indirekt ndaj paraardhësit të tij Ditmir Bushati. “Ju informoj se numri i të prekurve nga kjo iniciativë reformatore do të shkojë mbi 20. Axhenda reformiste e kapërcimit të pellgut të shkuar nuk përkon me nepotizmin në asnjë sektor”-theksoi Cakaj.
Ai gjithashtu i hapi rrugë të rinjve ekselentë, studentëve që sapo kanë përfunduar, të cilët në ditën e parë të punës do të jenë në përfaqësitë diplomatike të vendit, të “aftë” për të bërë “politika të mëdha” përballë zyrtarëve të vjetruar të europës…
Kur “shefi i madh” është vetëm 28 vjeç, vartësit e tij do i përzgjedhë si kriter kryesor të jenë edhe më të rinj, e mbi të gjithë personazhe të cilët teorikisht janë studentë të shkëlqyer, por praktikisht pa akesperiencë pune.
“Kemi gati thirrjen publike për vakancat e krijuara nga vala e pastrimit në shërbimin tonë diplomatik, Shqipëria nuk është e miqve, kushërinjve, apo klaneve e kryshqive, por e të gjithëve pa dallim dhe meriton të përfaqëohet nga të dalluarit që punojnë me mendje, shpirt e shërbejnë me pasion me kapacitet të plotë profesional e moral”, tha Cakaj.
Fjalët e fundit shkojnë për veshët e ish-ministrit të Jashtëm Ditmir Bushati, aktualisht i “internuar” nga kryeministri Edi Rama me “punë të detyruar” me strukturat e Partisë Socialiste të Shkodrës. Në qëndrimet e Cakajt u la të kuptohej se Bushati kishte krijuar nepotizëm në punësime, promovim të të afërmve në poste të rëndësishme dhe për më shumë shkëputje nga realiteti i “ri” që sipas tij kërkon ta implementojë vetëm kryeministri Edi Rama.
Ministri që lëviz kudo me autorizimin e kryeministrit të xhep po hap një tjetër front konflikti brenda llojit. Sepse parimi “lufta e klasave do jetë edhe në parti” nuk mund të venitet lehtë nga e shkuara.
