Analisti Andi Bushati, ka folur për shkarkimin e Erion Veliajt, që pritet të ndodhë në 23 shtator, pas urdhërit të Edi Ramës nga Asambleja e Partisë Socialiste.
I ftuar në emisionin “Të Paekspozuarit”, Bushati e quajti një vendim politik të Ramës që nuk do t’i lërë asnjë pushtet Velaijt, ndërkohë që shpërtheu ndaj këshilltarëve socialistë, që dikur e quanin Veliajn dhe Tiranën e drejtuar prej tij “histori suksesi”, por tani do të votojnë shkarkimin e tij, për shkak se e ka kërkuar Rama.
Prapë po biem në kurth, po komentojmë një ditëzi që nuk ka gjë në dorë dhe po shmangim… Unë besoj se për publikun është më e rëndësishme, jo si do të reagojë Veliaj ndaj asaj që po i bën Rama, por si po bën Rama në raport me Veliajn. Ne bëmë një debat, që është për momentin kur të çojë në Kushtetuese. Ne këtu nuk kemi akoma debat juridik por politik.
Rama, po të shohësh fjalën në asamble të PS, tha ëshë e vështirë ligjërisht, duhet të bëjmë ca ndryshime në Parlament, por nuk i bëri. Mblodhi 32 debilat aty të Këshillit Bashkiak dhe u tha votoni. E dyta, a mund të lihet një bashki për kohë të gjatë pa kryetar? A ka lënë Rama bashki me kryetar bosh pa zëvendësuar? Mos më thoni se një qytetar i Tiranës ka më shumë rëndësi se i Tropojës? Nuk është prioritet juridik dhe qytetar. Përveç problemit politik, ka një problem moral, ata njerëz që po shkarkojnë Veliajn, e kanë pranuar ata fajësinë e Veliajt?
Deklaratat e fundit të tyre, Tirana histori suksese, shyqyr që kishm Lalin që mbolli pemë… Si do të votojnë ata? Çfarë qënie legene është kjo?Të njëjtët mi vrimash, këta legena, kur kërkonte opozita ta shkarkojnë, thoshin jo ai akoma nuk është i fajshëm. Këtu vendimi është ulëritës, thellësisht politik. Po e kërkon Rama? Pse do ta shkarkojë? Sepse Rama nuk do më t’i lërë asnjë pushtet, asnjë para, as ato filiza që i kanë mbetur. Kur të ka projektuar për të të linçuar, pasi të nis çunat e SPAK, të nis edhe çunat e Këshillit Bashkiak… – tha ai.
