Policia e Shtetit njoftoi sot se do të ndjekë rrugën ligjore ndaj ish-Kryeministrin Sali Berisha për denoncimet që ai bën në rrjetet sociale, duke iu referuar qytetarit dixhital.
Policia ka ngritur pretendimet se denoncimet e ish-kryeministrit nuk janë të faktuara dhe intimidojnë policinë.
Reagimi i policisë erdhi 24 orë pasi ish-kryeministri publikoi në rrjetin social denoncimet mbi Drejtorin e ri të Policisë së Tiranës, Rebani Jaupaj.
Por përkundër deklaratës së policisë, ka reaguar gazetari Klodian Tomorri, i cili në një postim në rrjetin social, përmend disa raste kur denoncimet e ish-kryeministrit kanë rezultuar tërësisht të vërteta.
Kështu Tomorri i referohet denoncimit mbi avionët e drogës, përfshirjen e policisë në trafikun e drogës, përdhunimit të një vajze nga djali i deputetit socialist, apo përdhunimit të një të mitureje nga një grup adoleshentësh në Kavajë.
Postimi i Klodian Tomorrit
Shpifësi dixhital
Ministria e Brendshme njoftoi se do te kallzoje penalisht ish kryeministrin Sali Berisha per shpifje te panumerta ndaj policise se shtetit.
Me poshte jane disa nga shpifjet me te renda dhe dashakeqe.
1-Ne Divjake po behet trafik droge me avion nen hunden e policise se shtetit. Rezultoi shpifje, pasi ne te vertete avionet po sperkasnin kimikate per mushkonjat me ekspertin italian Riformato.
2-Policia e Shtetit eshte e perfshire ne trafik droge. Kjo eshte nje nga shpifjet me dashakeqe qe eshte bere ndonjehere ndaj policise se shtetit. Prova me e forte per kete shpifje eshte fakti se shume nga ish drejtuesit e policise se shtetit ne vitet 2014-2017 aktualisht jane te arratisur jashte shtetit dhe jane ne kerkim.
3-Perdhunohet e reja nga djali i deputetit, policia e shtetit nuk merr denoncimin. Edhe kjo rezultoi teresisht shpifje sepse ishte shaka.
4- Kavaje, perdhunohet e mitura ne shkolle, policia fsheh ngjarjen. Shpifje e ndyre, qe ka qëllim të denigrojë, delegjitimojë, dekurajojë dhe pengojë punën e trupës së Policisë së Shtetit në shërbim të Kushtetutës, ligjit e qytetarëve.
Kjo lista nuk mbaron kurre, por kaq besoj mjaftojne per ta arrestuar qytetarin dixhital
