Kuvendi do të mblidhet sot në seancë plenare, ndërsa policia dhe garda kanë rrethuar zonën pranë Parlamentit duke vendosur gardhet me kangjella dhe me dhjetra punonjës policie.
Disa orë para nisjes së seancës, e gjitha zona pranë Parlamentit është marrë nën kontrollin e policisë, duke kufizuar lëvizjen e këmbësorëve, ndërsa disa dhjetra punonjës policie janë përqëndruar në oborrin e Kuvendit.
Megjithëse opozita nuk ka paralajmëruar ndonjë protestë, duket se ministri i Brendshëm, ka urdhëruar mbrojtjen e godinës me të njëjtën formë, ashtu si edhe në seancat e fundit.
Frika se qytetarët mund të mblidhen brenda pak minutash dhe të zënë në befasi strukturat e rendit, duke se është shkaku që ka detyruar drejtuesit e policisë që të marrin masa paraprake.
