Skandali me vjedhjen e pronës tek zona e ‘Petro Ninit’ nxori edhe një herë në pah korrupsionin që bëhet në zyrat e institucioneve shtetërore. Por, sikur të mos mjaftonte kjo, po këto zyra nga i njëjti shtet që predikon respektimin e rregullit dhe mbrojtjen e rendit në vend dalin vendime nga më absurde.
Efektivja e policisë, e cila luftoi për të mborjtur pronën e saj nga njëvendim i padrejtë i zyrave përmbarimore sot është duke luftuar sërisht me një tjetër padrejtësi; me korrupsionin dhe dy-standartizimin e shtetit.
Për Policinë e Shtetit, Blerta Dervishaj, fektivja e forcave Shqiponja, meritonte pezullimin nga puna vetëm sepse u mundua të mbronte shtëpinë dhe familjen e saj me mish e me thonjë. Është po kjo efektive që mbase disa ditë më parë përgëzohej nga eprorët e saj për punën dinjitoze që mundohej të bënte çdo ditë në rradhët e policisë.
Si për ironi, Blerta Dervishaj është mikeshë me Ina Nukën, efektiven që mbeti e plagosur dhe dëmtoi gishtat e njërës dorë në protestën e banorëve të Astirit, para parlamentit disa muaj më parë.
Ajo që bie në sy është se për efektiven Dervishaj u urdhërua të pezullohet nga puna për shkak se mbrojti pronën e saj, ndërsa për Ina Nukën “u ngrit në këmbë” një shtet i tërë dhe u cilësua heroinë, për shkak se mbrojti qeverinë përballë protestave të qytetarëve.
