NTre persona janë plagosur si pasojë e një aksident të ndodhur në aksin rrugor Elbasan-Peqin. Në aksident janë përfshirë dy automjete, dhe një biçikletë.
“Në aksin rrugor Elbasan – Peqin, tek kryqëzimi i fshatit Gjocaj, janë përplasur dy mjete si dhe është përfshirë dhe një person me biçiklet, për pasojë janë dëmtuar 3 shtetas të cilët janë transportuar në Spitalin e Elbasanit, për ndihmën mjeksore.
Grupi hetimor ndodhet në vendgjare dhe po punon për zbardhjen e shkakut të aksidentit”, thuhet në njoftimin paraprak të policisë.
Mësohet se një prej të aksidentuarve është shtetasi Astrit Arapi, 57 vjeç banues në Elbasan, ndërsa i dëmtuari tjetër është Taulant Humçi, 24-vjeç banues në Spille të Kavajës.
Në makinë ishte dhe një grua shtatëzanë. Ajo është identifikuar si Marjeta Humçi, e moshës 21 vjeç, banuese në Spille të Kavajës.