Një ngjarje në përmasat e një skandali e cila është mbajtur e fshehtë për publikun, ka ndodhur reth dy javë më parë në kryeqytet. Mbi 15 denoncime për mashtrim, për kërkim favoresh seksuale si dhe për përvetësim parash janë bërë në drejtorinë e policisë tiranë ndaj Kreshnik Kusaj i njohur me emrin Kika. Ai njihet si një nga banorët e “Big Brother Albania 8” në televizionin Top Channel.
Prej disa muajsh ky i fundit kishte hapur një emision në televizionin privat “Channel One” ku ishin promovuar talentet të reja të cilët aspironin të bëheshin pjesë e shoë bizzit. Si bashkëpunëtore e emsionit ishte dhe Zaida Çobo dhe kjo ish banore në të njëjtin edicion të Big Brotherit në Shqipëri.
“Sosnews” ka mësuar se ka qenë pikërisht kjo e fundit që pas dy muajsh bashkëpunimi me Kikën e ka denoncuar e para për mashtrim dhe më pas në dyert e drejtorisë së policisë tiranë janë paraqitur dhe denoncuesit e tjerë.
Fillimisht kanë qenë disa vajza pjesmarrëse në emisionin “The One Shoë nga Kika” të cilat kanë deklaruar se i kanë dhënë 300 euro Kikës në këmbim të promovimit si prezantuese në emsiionin e tij, por që sipas tyre ai u ka dhënë mundësinë vetëm njëherë dhe më pas nuk i ka marrë më në emision.
Denoncimi i dytë ka qenë nga një grup djemsh të cilët kanë deklraruar se ishin paraqitur për të marrë pjesë në një eveniment të quajtur “Mister & Miss Albania Plus” të organizuar nga Kika. Ky i fundit sipas pretendimit të tyre iu ka kërkuar favore seksuale në këmbim të çmimit të parë.
Drejtuesit e televizionit “Channel One” të thirrur për të dëshmuar në cilësinë e personit që ka dijeni për rrethanat e krimit të denoncuar, kanë shpjeguar se Kikës i kanë shitur vetëm kohën televizive në shumën prej 5000 eurosh në muaj.Ata kanë paraqitur kontratën e nënshkruar mes palëve dhe faturën që provon pagesën e shumës. Ata kanë mohuar të kenë dijeni për veprimtarinë e prezantuesit pasi emisionin sipas tyre ai e çonte në të gatshëm në televizion.
Pasi ka vlerësuar të gjitha denoncimet, provat dhe faktet që lidhen me to me urdhër të prokurorisë Kreshnik Kusaj është arrestuar. Masa e sigurisë është konsideruar e vlefshme dhe nga Gjykata e Shkallës së parë Tiranë. Ndërsa emisioni “The One Shoë nga Kika” i transmetuar në Channel One është ndërprere./sosnews/