Raportuesi për Shqipërinë në Parlamentin Evropian (PE), Knut Fleckenstein, ka reaguar lidhur me vendimin e opozitës së bashkuar për djegien e mandateve.
“Është detyra e opozitës, brenda Parlamentit apo – nëse e sheh të arsyeshme – edhe jashtë Parlamentit, të ofrojë një alternativë politike për qeverisjen e vendit”, shprehet Fleckenstein, duke iu përgjigjur interesimit të Top Channel.
Ai shtoi se “kjo nuk është hera e parë që ne përballemi me një situatë të tillë, me opozitën shqiptare që kërkon të heqë dorë nga detyra e saj në Kuvend”.
Fleckenstein shkroi se asgjë nuk ka ndryshuar në këto 5 vite në lidhje me këtë taktikë.
Sa i përket dorëzimit të mandateve, politikani gjerman shprehet se “është në dorën e gjithsecilit prej deputetëve, për të vendosur nëse duan apo jo të heqin dorë nga mandati që u ka dhënë populli”
