Tirana i bëri nder Partizanit, Asani ngacmon Kukësin

Tirana mori një fitore shumë të rëndësishme sot ku arriti të fitonte me rezultatin 0-1 përballë Kukësit.

Kjo fitore sigurisht që i ka ardhur në ndihmë Partizanit të vendit të parë, që tani e gjen veten me tetë pikë diferencë nga ndjekësit. Ndër spektatorët e shumtë të pranishëm në stadiumin e Kamzës ku u zhvillua ndeshja e sotme ka qenë dhe sulmuesi i Partizanit Jasir Asani, i cili pas ndeshjes nuk ka harruar të hedhë një ngacmim në rrjetet sociale.

LEXO EDHE  Ndizet lufta për titull në Kategorinë Superiore, Kukësi dhe Tirana vihen përballë njëra-tjetrës

Në një foto të hedhur në “Instagram”, 23-vjeçari shfaqet në stadiumin e Kamzës dhe në mbishkrim ka shkruar: “Shumë ftohtë -8”, sigurisht nuk e ka fjalën për temperaturën, por për diferencën e tanishme me Kukësin.

Futbollisti i të kuqve, ndoshta është penduar për këtë ngacmim, pasi pak minuta më vonë e ka fshirë foton e lartpërmendur.

 

PËRGJIGJU

Please enter your comment!
Please enter your name here