Tre persona janë arrestuar në Tiranë në kuadër të operacionit antidrogë të policisë të koduar ‘Struga’, ku u sekuestruan lëndë narkotike të llojit kokainë dhe kanabis sativa.
Në prangat e policisë ranë Antonio Ruçi 27 vjeç, Fluturim Kica 28 vjeç banues në Strugë të Maqedonisë dhe Zulfi Ademi 45 vjeç banues në Strugë të Maqedonisë.
Arrestimi i tyre u bë në bazë të informacioneve që dispononte Seksioni për Narkotikët në Drejtorinë Vendore të Policisë Tiranë Antonio Ruçi dhe Zulfi Ademi, në bashkëpunim me disa persona të tjerë kryenin aktivitetin e kundraligjshëm të shitjes së lëndëve narkotike të dyshuar e llojit kokainë dhe kanabis.
U organizua shërbim me forcat policore me qëllim kapjen në flagrancë të këtyre shtetasve dhe konkretisht në rrugën “Myslym Keta” është konstatuar automjeti tip Mercedez Benz me targa maqedonase SU 5175 AB me drejtues mjeti shtetasin Zylfi Ademi ku brenda këtij automjeti ndodheshin edhe dy persona të tjerë.
Nga kontrolli i ushtruar në automjet u gjet e mbështjellë një material celefoni (qese) me ngjyrë kafe e mbushur me lëndë narkotike kokainë me peshë 100 gram dhe gjithashtu gjatë kontrollit personal të Fluturim Kicës në xhepin e pantallonave i është gjetur një qese kanabis sativa me peshë 8.8 gram. Të arrestuarit shpërndanin lëndët narkotike në zonën e ish-bllokut dhe tek Shkolla e Bashkuar.
DENONCO