Konflikti për pronën, vritet nipi i ish-kreut të komunës së Lazaratit, plagoset i vëllai (FOTO)

Një ngjarje e rëndë ka ndodhur pasditen e sotme në Gjirokastër. Dyshohet se dy djemtë e një oficeri policie në këtë qytet kanë shtënë me armë zjarri në drejtim të dy vëllezërve, ku si pasojë njëri ka humbur jetën e tjetri ka mbetur i plagosur rëndë.

Dorjan Lluka, 29 vjeç mësohet nga policia të jetë personi që humbi jetën, ndërsa vëllai i tij Birbil Lluka 31 vjeç është dërguar me helikopter për në Tiranë. Dyshohet se autori i krimit është shtetasi Enerik Bexhet Lluka, 28 vjeç, djali i një polici në Gjirokastër, i cili është shpallur në kërkim.

Policia po punon për kapjen e tij. Nga informacionet paraprake mësohet se konflikti ka nisur për motive pronësie.  Policia ka gjetur të braktisur automjetin tip “Benz”, me targa AA 006 IY që dyshohet se është përdorur nga autorët.

LEXO EDHE  Përdh*noi për 4 vite një grua, arrestohet në kufi 44-vjeçari shqiptar

Ngjarja ka ndodhur në fshatin Shtëpëz, në vendin e quajtur kthesa e “Andon Poçit”, ku fillimisht të rinjtë janë konfliktuar me njëri-tjetrin.

I riu që ka humbur jetën dhe i plagosuri, mësohet se janë nipat e gruas së Dasho Alikos, ish-kryetarit të komunës së Lazaratit.

Ndërkohë, forca të shumta FNSH-je janë vënë në kërkim të autorëve të krimit. Në morgun e spitalit të Gjirokastrës ndodhet trupi i viktimës, i cili është banor i fshatit Lazarat.  Dhjetra banorë të këtij fshati kanë zbarkuar ndërkohë në spitalin rajonal “Omer Nishani” të Gjirokastrës.

(Boldnews)



PËRGJIGJU

Please enter your comment!
Please enter your name here