Dy ish-banorët e “BBV”, balerinët Ilir Shaqiri dhe Tan Brama, janë përplasur virtualisht pas një deklarate që ky i fundit bëri disa ditë më parë, ku theksoi se balerini e kontaktonte vetëm për interes.
Deklarata e Bramës solli reagimin e Shaqirit i cili tha se ishte ziliqar.
Një ditë më parë, duke komentuar këtë ngjarje, Iliri tha: “Unë nuk njoh asnjë mik që nuk flet mirë për Ilirin. Problemi është që shyqyr që po shprehet tani sepse një ditë që qëndroi aty nuk lidhi as 21 fjalë. Kështu që teorikisht i ka ardhur momenti pas katër muajve që të thotë atë kusurin e 21 fjalëve që la aty dhe kaq. Njerëzit kujtojnë se kur i bëjnë reklamë vetes ulin Ilirin. Absolutisht jo! Nuk ulin Ilirin por veten.”
Së fundmi, Brama i cili ka publikuar bisedën e zhvilluar me Ilirin në Instagram ku duket se balerini ka folur me fjalë ofenduese.
“Po k**i po”, i ka shkruar Ilir Shaqiri pas deklaratës së këtij të fundit. Tani ia ka kthyer: “Deri diku mendoja se ndoshta kisha gabuar, dhe ti me pjekurinë tënde do t’i jepje një zgjidhje më kreative situatës. Jo vetëm që nuk kam gabuar, po qenke më rëndë nga çfarë kisha menduar”.
