Gentjan Meta dhe Franc Malo, dy shqiptarë, akuzohen si drejtues të rrjetit të trafikut të 2.2 tonë kokaine me destinacion Holandën.
Të dy, të njohur si ‘Barbas’ dhe ‘Pelado’, kanë hyrë legalisht në Peru, duke u paraqitur si turistë, përmes Ekuadorit, për të nisur negociatat për dërgesën e drogës që do të merrej me rrugë detare përmes portit të Callaos, shkruajnë mediet peruane.
Të dy etiketohen si pjesë e kartelit Los Balcanes. Ata kanë qëndruar në një hotel luksoz QP Hotels Trujillo në El Golf ku edhe janë fotografuar.
“Ata kanë ardhur në qytetin tonë me qëllim financimin, si dhe për t’u kujdesur për logjistikën e koordinimit për dërgimin e më shumë se dy tonëve kokainë, e kamufluar në formë të lëngshme në kanaçe asparagusi, me vlerë 160 milionë dollarë që do të kishte si destinacion Holandën“, thuhet në artikull.
Sipas mediave peruane, eksportuesi paguante për trafikantët e drogës qëndrimin në hotelin QP Hotels Trujillo në El Golf, ku edhe janë fotografuar.
