Protestat e shqiptarëve kundër qeverisë janë shtrirë edhe në Hagë të Holandës, ku diaspora shqiptare ka organizuar një tjetër tubim për të shprehur pakënaqësinë ndaj situatës politike dhe sociale në vend.
Protestuesit akuzojnë klasën politike për mungesën e alternativave dhe për largimin masiv të shqiptarëve nga vendi gjatë viteve të fundit.
Ata kërkojnë ndryshim politik dhe mbështesin protestat që po zhvillohen paralelisht në Shqipëri.
“Kështu do të arrijmë të rrëzojmë qeverinë e korruptuar. Na kanë përzënë nga shtëpitë tona për 35 vite. Shqipërinë e përfaqësojnë arti, folklori, kultura dhe tradita”, u shpreh një prej pjesëmarrësve në protestë.
Ndërkohë, protesta të ngjashme janë zhvilluar edhe nga komunitetet shqiptare në vende të tjera europiane, përfshirë Italinë, Anglinë, Gjermaninë dhe Austrinë.
Në Tiranë, protestat kanë hyrë në ditën e 15-të radhazi, me organizatorët që kërkojnë largimin e qeverisë së kryeministrit Edi Rama dhe mbajtjen e zgjedhjeve të parakohshme.
