Enkelejd Alibeaj ka thirrur një takim me mbështetësit e tij në Grupin Parlmentar të PD, ndërsa nga informacionet mësohet se të pranishëm janë 16 deputetë.
Në këtë mënyrë, krahasuar me takimet e mëparshme, duket se mbështetja ndaj Alibeajt nga deputetët është reduktuar me të paktën 6 deputetë. Në takimet e mëparshme të thirrura nga Alibeaj kanë qenë prezentë 22-23 deputetë, ndërsa në një rast kishte edhe 26 deputetë, përfshi edhe ata ligjvënës demokratë që kanë mbajtur një distancë mes Komisionit të Rithemelimit dhe grupimit të Lulzim Bashës, ku përfshihet edhe Alibeaj me Gazment Bardhin.
Takimi është thirrur për të diskutuar rreth angazhimit në Komisionin e Reformës Territoriale. Në përbërjen të Komisionit për Reformën Territoriale, në karriget e opozitës janë dërguar në Kuvend vetëm emrat e atyre deputetëve demokratë që mbështesin Alibeajn.
Komisioni Hetimor për Investimet Strategjike, Komisioni për Reformën Territoriale dhe Komisioni për Reformën Zgjedhore, janë 3 komisionet që ka kërkuar Grupi i Alibeajt, ndërsa mësohet se hetimi parlamentar për Investimet Strategjike i është besuar Gazment Bardhit.
Ndërkohë Dhurata Çupi do të jetë bashkë-kryetare e Komisionit për Reformën Territoriale, ndërsa Enkelejd Alibeaj do të jetë bashkë-kryetar i Komisionit për Reformën Zgjedhore.
Deputetët e pranishëm në takimin me Alibeajn
1: Kastriot Piroli
2: Flamur Hoxha
3: Emilja Koliqi
4: Andja Ulliri
5: Dhurata Çupi
6: Saimir Korreshi
7: Gazment Bardhi
8: Eralda Tase Bano
9: Zheni Gjergji
10: Ferdinant Xhaferri
11: Enkelejd Alibeaj
12: Arbi Agalliu
13: Bledjon Nallbati
14: Lefter Geshtenja
15. Orjola Pampuri
16. Xhelal Mziu
