Artistja e famshme Taylor Swift u bëri thirrje studentëve të përqafojnë ‘sikletet’ e jetës teksa mbajti një fjalim për fillimin e Universitetit të New York ku iu dha një dekoratë nderi.
32 vjeçarja tha në fjalën e saj para mijëra studentëve në stadiumin Yankee se situatat e sikletshme dhe problemet janë pjesë e jetës.
“Mësoni të jetoni së bashku me gjërat që nuk iu bëjnë të ndiheni mirë“, tha ajo ndërsa mori titullin “Doktoreshë e Arteve të Bukura” nga universiteti prestigjioz.
“Pavarësisht se sa shumë përpiqeni t’i shmangni, do të mendoni për të kaluarën dhe do ndiheni të sikletosur.” Swift shtoi: “Jeta mund të jetë e lodhshme, veçanërisht nëse përpiqeni të kontrolloni çdo gjë. Lajmi i keq është se tani ju jeni vetëm, por lajmi i mirë është se tani ju jeni vetëm.”
Ajo i nxiti studentët të mendonin për këdo që ishte kujdesur për ta që fëmijë dhe iu përgjigj të gjitha pyetjeve të tyre.
Ylli i popit nuk vazhdoi asnjë Universitet, përkundrazi u fut direkt në industrinë e muzikës në moshën 17-vjeçare pasi mbaroi shkollën e mesme një vit më herët.
