Një çift shqiptar me banim në Itali raportohet se ka humbur vajzën 11-muajshe.
Sipas mediave italiane, foshnja Xhulia, ishte fëmija e tretë e çiftit me banim në Monteodorizios, në provincën e Kietit.
Të Premten, raportohet se e vogla u transportua fillimisht në pediatrinë e spitalit të Vastos pasi shfaqi temperaturë të lartë. Aty, iu nënshtrua testit Covid dhe doli negative. Më pas, u vendos transportimi i saj në spitalin e Peskaras me autoambulancë, por rrugës raportohet se pësoi dy atake kardiake dhe humbi jetën.
Familja bëri denoncim për rastin dhe prokuroria urdhëroi autopsinë e trupit të vajzës duke sekuestruar dhe dosjen mjekësore.
Hartimet e mëtejshme pritet të hedhin dritë rreth tragjedisë në familjen shqiptare.
Lidhur me ngjarjen reagoi dhe kryebashkiakia e Monteodorizios, Catia Di Fabio. “Jemi thellësisht të pikëlluar, do të përpiqemi të qëndrojmë pranë prindërve në këtë moment dramatik”, citohet ajo nga mediat lokale.
