Një aksident është regjistruar pranë Syrit të Kaltër, në Bashkinë Finiq, ku dy persona, njëri prej tyre shtetas i huaj, janë rrëzuar me motor në një humnerë rreth 15 metra në anë të rrugës.
Sipas raportimeve paraprake, dy shtetasit janë nxjerrë nga humnera dhe janë transportuar drejt Spitalit të Sarandës për ndihmë mjekësore dhe kontrolle të mëtejshme.
Autoritetet ndodhen në terren për sqarimin e plotë të rrethanave të aksidentit.
