Qindra emigrantë shqiptarë janë mbledhur ditën e sotme në Parma të Italisë, për të protestuar kundër zhvillimit të projektit në Zvërnec, ndërsa kanë kërkuar edhe dorëheqjen e Edi Ramës.
Me pankarta në duar dhe flamuj kuqezi, ata kanë bërë thirrje për ndryshim.
Kjo nuk është hera e parë që emigrantët shqiptarë organizojnë protesta në Itali. Më herët tubime janë zhvilluar edhe në Milano, Firence dhe Gjenova. Protesta e cila fillimisht nisi si një reagim i menjëhershëm kundër zhvillimit të projektit në zonën e Zvërnecit, përfundoi në kërkesën për dorëheqjen të Ramës.
Ditën e sotme pritet të zhvillohet protesta e 16-të në Tiranë, ku mijëra protestues priten të mblidhen fillimisht në sheshin “Skëndërbej” dhe më pas të vijojnë marshimin e tyre drejt Kryeministrisë.
