Sekretari i Përgjithshëm i Partisë Socialiste, Blendi Klosi, shprehet se protestat e fundit nuk kanë arritur të artikulojnë qartë kërkesat dhe alternativën që propozojnë.
I ftuar në emisionin “Trialog” në RTSH, Klosi tha se protestuesit kërkojnë largimin e qeverisë dhe të klasës aktuale politike, por sipas tij mbetet e paqartë se çfarë force apo vizioni duhet ta zëvendësojë atë.
“Protesta nuk arrin të artikulojë se çfarë kërkon. Thuhet që të rrëzohet qeveria, të largohet klasa politike dhe të vijë një klasë e re politike. Mund të jetë një ide e bukur dhe edhe vetë klasa politike e pranon se ka nevojë për ripërtëritje dhe rigjenerim. Por duhet të ketë një arsye të qartë pse njerëzit duhet të besojnë se kjo klasë politike duhet të largohet dhe të zëvendësohet nga një klasë e re, e cila sot nuk është politike, por synon të bëhet e tillë”, deklaroi Klosi.
Sipas tij, debati publik duhet të fokusohet jo vetëm te largimi i klasës aktuale politike, por edhe te alternativa që propozohet për ta zëvendësuar atë.
