Tre të rinj janë arrestuar nga policia e Tiranës pasi kanë rrahur me sende të forta një 26-vjeçar.
Mësohet se ngjarja ka ndodhur ditën e djeshme në rrugën ‘Don Bosko”, ku personi me inicialet K.D mori dy shokët e tij për të dhunuar ish-kunatin. i dhunuari është dërguar në spital për të marrë ndihmën e nevojshme mjekësore.
Njoftim i Policisë:
Më datë 11.09.2021, u referuan materialet në Prokurorinë pranë Gjykatës së Shkallës së Parë Tiranë në ngarkim të shtetasve K. D., 20 vjeç, M. Zh., 22 vjeç dhe A. Gj, pasi në rrugën “Don Bosko”, në bashkëpunim me njëri tjetrin kanë goditur me sende të forta shtetasin T. M., 26 vjeç, (ish kunati i K.D) i cili pasi mori ndihmën mjekësore, doli nga spitali. Materialet i kaluan Prokurorisë së Rrethit Gjyqësor Tiranë, për veprime të mëtejshme.
