Dy persona kanë mbetur të plagosur mbrëmjen e sotme, si pasojë e një aksidenti në Elbasan. Nga raportimet mësohet se të plagosurit ndodhen në gjendje të rëndë për jetën në reanimacion.
Makina me të cilën po udhëtonin humbi kontrollin, doli nga rruga dhe u përmbys në afërsi të lagjes “Shënkoll” pranë urës së Shkumbinit.
Si pasojë e aksidentit u plagosën rëndë drejtuesi i mjetit dhe pasagjeri.
Policia po kryen verifikimet për të sqaruar rrethanat e aksidentit.
