Kamerat e sigurisë të sekuestruara në vendin e ngjarjes ku iu në atentat, Gentian Qarrit nuk kanë mundur të zbulojnë identitetin e autorëve. Sipas burimeve nga grupi hetimor, mësohet se autorët kanë qenë dy, të maskuar me kapuçë dhe maska mbrojtëse anti COVID, duke e bërë të pamundur identifikimin e tyre.
Ndërkohë, hetuesit kanë sekuestruar edhe disa kamera të bizneseve që të ccojnë për në pyllin e “Sodës”, me qëllim identifikimin e personave të tjerë që mund të kenë marrë pjesë në atentin mafioz, pasi ka dyshime se autorët kanë pasur edhe bashkëpunëtorë të tjerë, të cilët i kanë larguar ato nga pylli pasi kanë djegur automjetin. Ndërsa brenda makinës së djegur tip “Toyota”, hetuesit kanë gjetur edhe armën e krimit. Por, për shkak të djegies së saj autoritetet nuk kanë mundur të gjejnë prova të mjaftueshme për identifikimin e autorëve.
Ndërkohë hetimet janë përqëndruar tek e kaluara e 40-vjecarit, ku ai rezulton person me precedent në fushën e narkotikëve. Grupi hetimor bën me dije se pista kryesore është larja e hesapeve, dhe lidhet me trafikimin e një sasie droge në vendin fqinj.
Hetimet për zbardhjen e ngjarjes dhe identifikimin e autorëve janë përqëndruar në të kaluarën e 40-vjeçarit, dhe personat që kanë qenë pjesë e grupit kriminal, ku ishte edhe vetë viktima në Itali. Kjo pasi në vendin tonë ai është person pa precendent të mëparshëm. Viktima njihet ndryshe edhe me pseudonimin “Geçe”. Ai ka qenë i dënuar me 15 vite burg në Itali për trafik të lëndëve narkotike.
