Eksperti i shëndetit publik, Erion Dasho, hodhi dyshime mbërmjen e sotme në emisionin “Tempora” lidhur me sigurinë e vaksinave që mbërritën në mesin e muajit janar në Shqipërinë, për të cilat nuk pati asnjë transparencë lidhur me vendin nga ato erdhën.
Dasho tha se në Shqipëri është aplikuar raporti 1 me 6, pra me 1 flakon janë kryer 6 vaksinime.
“Referuar këtij raporti atëherë në Shqipëri duhej të kishin ardhur 1170 doza, dhe jo 975 të tilla. Pyetja që lind është nëse kjo pako me vaksina ka ardhur ose jo e hapur, pasi nëse hapet ajo duhej të konsumohej brenda 5 ditësh, ndërkohë që sot e kësaj dite, dy javë më pas kemi rreth 300 doza të papërdorura”, tha Dasho.
Sipas tij, autoritetet duhet të sqarojnë situatën, pasi kjo ka të bëjë direkt me shëndetin e qytetarëve.