Kryebashkiaku Erion Veliaj shpesh mburret lidhur me ato që i konsideron punë publike në qytet, investime apo fasadat, ndërkohë që nga dita në ditë Tirana është kthyer në një qytet pothuajse të pabanueshëm.
Përveç problemeve që janë raportuar lidhur me trafikun, ngushtimin e rrugëve, ndërtimet pa hesap, nën qeverisjen lokale të Lali Erit, edhe kamionët po duken si nëndetëse.
Video e mëposhtme tregon se çfarë ka ndodhur në zonën e Kopshtit Zoologjik, i kthyer në një kantier ndërtimi, sikundër i pëlqen ta quajë kryebashkiaku, por që pas shirave të djeshëm, është kthyer në njliqen. Madje kamionët që po punojnë janë të fundosur nën ujë.
Dhe kjo ndodh pasi Bashkia thjesht krijon kantiere, pa plane, pa u menduar se zonat mund të përmbyten. Thjesht Lali Eri i përdor nisjet e punimeve për show dhe propogandë, ndërsa se çfarë ndodh më pas fshihet.
