Prej kohësh qytetarët e Tiranës vuajnë trafikun e çmendur nëpër rrugë. Për të mbaruar punë me makinë në Tiranë, duhen orë të tëra për shkak të situatës së krijuar në qarkullimin e mjeteve.
Siç shihet dhe në pamjet e siguruara nga BoldNews.al, aktualisht në zonën e Pallatit me Shigjeta trafiku është tejet i rënduar. Më tej trafiku vazhdon në rrugën Teodor Keko drejt Astirit.
Po ashtu edhe te sheshi Shqiponja situata është kaotike. Segmenti rrugor me trafik të rënduar dallohet edhe ne hartën që sjellim më poshtë të vijëzuar me të kuqe. Këtë situatë, qytetarët e kanë peshqesh nga lali Eri dhe Erjon Ahmeti i rrugores.
Aktualisht, ora 20:50, ora policore është në fuqi për shkak të pandemisë, ndërsa qarkullimi masiv i qytetarëve vijon.
Mijëra makina në rrugë, po nëse do kishte ndonjë lëvizje tek tuk, sigurisht do të ‘kërcisnin’ gjobat dhe burgu për qytetarët.
Vendimet e gabuara të bashkisë së Tiranës, që favorizojnë një numër të vogël biznesesh, bllokimi i rrugëve nga rrugët e biçikletave, ndryshimi i drejtimit për shumë rrugë të tjera, bllokimi i tyre dhe punimet e zgjatura nëpër rrugë, ka bërë që prej muajsh qyetarët të vuajnë.
Prej kohësh, trafiku në Tiranë rëndohet dhe askush as nga bashkia dhe as nga institucione të tjera nuk marrin masa për të lehtësuar këtë vuajtje të përditshme të qytetarëve.
