Policia e Shkodrës arrestoi një 50-vjeçar me akuzën e armëmbajtjes pa leje. Policia bëri të ditur se ka finalizuar operacionin e koduar “KOMANI”, duke arrestuar shtetasin L.M, të cilit iu kap një armë zjarri me fishek në fole gati për qitje.
50-vjecari, sipas policisë është me precedent kriminal në fushën e krimeve ndaj personit dhe të armëmbajtjes pa leje.
L. M., 50 vjeç, banues në Dobrac, Shkodër, ka qenë i dënuar në vitin 2004 për plagosje dhe në vitin 2012 për armëmbajtje pa leje.
“Ky shtetas u kap gjatë operacionit, në lagjen “Guerrile”, në rrugën “Komani”, Shkodër, duke qarkulluar me një armë zjarri pistolete me fishke në fole gati për qitje.
Materialet iu referuan Prokurorisë së Rrethit Gjyqësor Shkodër, për veprën penale “Armëmbajtja pa leje””, thuhet në njoftimin e policisë.
