Komiteti Teknik ka marrë vendimin për të mbajtur në fuqi masat e vendosura deri më tani për parandalimin e koronavirusit, ndërsa nuk janë njoftuar masa të reja.
Mira Rakacolli, zëvendësministre e Shëndetësisë, tha se situata është dinamike dhe nuk përjashtohet mundësia e përshkallëzimit të masave.
Ndërsa, shefja e epidemiologjish në ISHP, Eugena Tomoni tha se Komiteti Teknik, javën e fundit, ka vërejtur një tendecë në ulje të rasteve pozitive. Ajo bëri me dije se qarku që mban peshën më të madhe të rasteve të konmfirmuara është Tirana, e ndjekur nga Gjirokastra e më pas Lezha. Tomini tha se niveli i riskut të transmetimit është i lartë.
Në konferencën e pjesëtareve të komitetet u tha se këtë dhjetor, pritet aplikimi i testeve të shpejta.
Lidhur me festat e fundvitit, Eugena Tomini tha se “grumbullimet masive dhe festat sigurisht që janë element që duhet të priovohen, të ndalohen. Tani e tutje është e mirë të festojmë në familjen e ngushtë”.
Masat
Kryetarja e Komitetit Teknik të Ekspertëve, Mira Rakacolli, tha sot në konferencën për shtyp se “do të vijojnë të jenë të ndaluara grumbullimet me mbi 10 persona në vende të hapura e të mbyllura, mbledhjet partiake, tubimet, konferencat, ceremonitë e festave, ato martesore, ato mortore jashtë rrethit familjar, kufizimi i lëvizjes dhe aktiviteti i bareve e restoranteve fast- food nga ora 22:00-6:00 (përveç shërbimit delivery), administrata do të vijojë të punojë nga shtëpia, universitetet do të vazhdojnë online. Shkollat do të vazhdojnë me mësimin e alternuar fizik dhe online”.
