Policia e Elbasanit ka dhënë detaje mbi sherrin masiv të ndodhur mbrëmjen e djeshme mes dy grupesh të rinjsh, ku u përdorën edhe mjetet e forta, si shkopa bejsbolli.
Sipas policisë, ngjarja ka ndodhur në lagjen e “Kinezve”, Elbasan, në ambientet e jashtme të një lokali.
Policia bëri të ditur se është goditur me mjete të forta nga persona të paidetifikuar shtetasi L.H., dhe për pasojë është dëmtuar dhe transportuar në Spitalin Rajonal Elbasan, për ndihmë mjeksore, ku ndodhet jashtë rrezikut për jetën.
Grupi hetimor po punon për sqarimin e rrethanave të ngjarjes, identifikimin e personave që kanë goditur shtetasin L.H.
Policia mohon që në konfliktin mes të rinjve të ketë pasur të shtëna me armë.
