Një 60-vjeçar ka rënë në pranga, pasi akuzohet se ka dhunuar vajzën e tij.
Bëhet fjalë për shtetasin me inicialet Gj.K, banues në fshatin Zallë të Fushë Krujës, ndaj të cilit rëndon akuza për veprat penale “Dhuna në familje” dhe “Mosbindja ndaj urdhrit të punonjësit të policisë”.
60-vjeçari akuzohet se ka ushtruar dhunë fizike dhe psikologjike ndaj vajzës së tij, si dhe nuk i është bindur urdhrit të punonjësit të Policisë së Rendit gjatë shoqërimit për në ambientet e Policisë.
Materialet i kaluan Prokurorisë së Rrethit Gjyqësor Krujë, për veprime të mëtejshme.
