Ish-kryeministri i Kosovës, Ramush Haradinaj, ka zgjedhur të kalojë ditën e sotme në plazhin e Durrësit. Në një reagim në rrjetet sociale, Haradinaj shprehet se është i lumtur që është rikthyer në Shqipëri.
Gjatë qëndrimit në Durrës, ai ka zhvilluar një takim informal me kryetaren e LSI, Monika Kryemadhi, me të cilën ka folur lidhur me aktualitetin politik në dy dyja vendet, Shqipëri e Kosovë. Po ashtu ai shprehet se është gëzuar shumë që ka parë qytetarët e Kosovës, që po i kthehen bregdetit shqiptar.
“Përseri në Shqipëri, përsëri në Durrës. Kënaqësi të kem një bashkëbisedim me Monika Kryemadhin, Kryetaren e LSI-së, lidhur me aktualitetin politik në dy shtetet tona. U gëzova, poashtu, të shoh qytetarët e Kosovës, që po i kthehen bregdetit shqiptar“, shkruan Haradinaj.
